Thursday August 22nd 2019

இணைப்புக்கள்

Archives

விக்னேஸ்வரன் தொடர்பில் சம்பந்தனிடம் பாரிய குற்றச்சாட்டுக்கள் ஏதுமில்லை: ஆர்.டி.இரத்தினசிங்கம்

வடக்கு மாகாண முதலமைச்சர் தொடர்பில் இரா.சம்பந்தனிடம் பாரிய குற்றச்சாட்டுக்கள் ஏதும் கிடையாது என்று கூட்டடைப்பின் பிரித்தானியக் கிளையின் தலைவர் சொலிஸிட்டர் ஆர்.டி.இரத்தினசிங்கம் தெரிவித்துள்ளார்.

கொழும்பு வார இறுதி பத்திரிகை ஒன்றுக்கு வழங்கிய விசேட செவ்வியிலேயே அவர் மேற்கண்டவாறு குறிப்பிட்டுள்ளார்.

வடக்கு மாகாண முதலமைச்சர் தொடர்பில் இரா.சம்பந்தனுடன் தான் நடத்திய கலந்துரையாடல்கள் தொடர்பில் அவர் கூறுகையில், “தற்போது உள்ள சூழலில் எதிர்வரும் வடக்கு மாகாண முதலமைச்சர் வேட்பாளர் யார் என்பது தொடர்பில் சம்பந்தனுடன் பேச்சுக்களை நடத்தியிருந்தேன்.

அந்த விடயம் குறித்து முடிவெடுப்பதற்கு இன்னமும் காலம் உள்ளது என்றே என்னிடத்தில் குறிப்பிட்டார். அதனைவிடவும் முதலமைச்சர் விக்னேஸ்வரன் தொடர்பில் பாரிய குற்றச்சாட்டுக்கள் எதனையும் அவர் முன்வைக்கவில்லை. தேர்தல் காலத்தில் அவர் ஒதுங்கியிருந்தமை மற்றும் வடக்கு மாகாண அபிவிருத்தி விடயங்களில் மேலும் பலவற்றை செய்திருக்க முடியும் ஆகியன தொடர்பிலேயே தலைவரிடத்தில் குறைகள் காணப்படுகின்றன.

இந்த விடயங்களைப் பெறுத்தவரையில் முதலமைச்சர் ஆகக்குறைந்தது, 2015ஆம் ஆண்டு பொதுத் தேர்தலின் இறுதிப் பிரச்சாரக் கூட்டத்திலாவது பங்கேற்றிருந்தால் இவ்வளவு தூரம் நிலைமைகள் மோசமடைந்திருக்காது என்பதோடு கட்சிக்குள்ளே இருந்து கொண்டு பேச்சுக்களை நடத்தி தீர்வுகளை எடுத்திருக்கலாம். அந்த விடயத்தில் குறைபாடான நிலையொன்று ஏற்பட்டு விட்டது என்பதே எனது நிலைப்பாடாகவும் உள்ளது.” என்றுள்ளார்.

Leave a Reply